گوادر (گوادر سٹی نیوز ڈیسک) گوادر، پریس کلب کی نومنتخب کابینہ ارکان نے اپنے عہدوں کا حلف اٹھالیا.چئیر مین الیکشن کمیٹی ایم بی سالک نے گوادر پریس کلب کی نومنتخب کابینہ صدر شریف ابراہیم ، نائب صدر محمد اسماعیل بلوچ،جنرل سیکریٹری اسماعیل عمر، جوائنٹ سیکریٹری عبیداللہ بلوچ،خازن شئے حق بلوچ سے ان کے عہدوں کا حلف لیا.حلف برداری کی تقریب گوذدر پریس کلب کے کانفرنس ہال میں منعقد ہوئی اس موقع پر نومنتخب صدر گوادر پریس کلب شریف ابراہیم اور سینیئر صحافی و نائب صدر محمد اسماعیل بلوچ نے خطاب کرتے ہوئے نئے کابینہ پر اعتماد کرنے پر صحافیوں کا شکریہ ادا کیا. ان کا کہنا تھا کہ گوادر پریس کلب کو یہ اعزاز حاصل ہے اس کے انتخابات آئینی اور جمہوری طریقوں سے ہر سال منعقد ہوجاتے ہیں. ان کا کہنا تھا کہ ہماری کوشش ہوگی کہ پریس کلب کی بہتری اور صحافی برادری کی فلاح و بہبود کیلیئے کام کریں اور پرہس کلب کے تمام صحافیوں کو ساتھ لے کر چلیں. حلف برداری تقریب میں صدر اور نائب صدر نے دوسرے پینل کے دوستوں کا بھی شکریہ ادا کرتے ہوئے کہا کہ مخالف پینل کے دوستوں کے بھی ہم مشکور ہیں کہ انھوں نے ہمیں بلا مقابلہ منتخب ہونے کا موقع فراہم کیا.
حلف برداری کی تقریب کے بعد کابینہ کا تعریفی اجلاس منعقد ہوا..اجلاس میں کابینہ کے اگلے پروگرامات کا لائحہ عمل طے کیا گیا. دریں اثناء الیکشن کمیٹی کے چیئرمین ایم بی سالک نے پریس کلب کی نومنتخب کابینہ کو مبارکباد دیتے ہوئے امید ظاہر کی ہے کہ وہ پریس کلب کی فعالیت اور صحافیوں کی فلاح و بہبود کے لیے بہتر انداز میں کام کرئے گی ۔