وادر پیک اپ یونین اور ڈپو مالکان نے سر بندن کے مقام مکران کوسٹل ہائی وے کو غیر معینہ مدت کیلئے بلاک کردیا.

گوادر ( اسٹاف رپورٹر) گوادر پیک اپ یونین اور ڈپو مالکان نے سر بندن کے مقام مکران کوسٹل ہائی وے کو غیر معینہ مدت کیلئے بلاک کردیا ، گوادر سے کراچی اور کوئٹہ کا زمینی رابطہ منقطع،یاد رہے پیک اپ یونین اور ڈپو مالکان نے گزشتہ روز مطالبات منظور نہ ہونے پر احتجاج کی کال دی تھی۔
گوادر پک اپ یونین اور ڈپو مالکان نے اپنے روزگار کی بندش کے خلاف مکران کوسٹل ہائی وے کو سربندن کراس کے مقام پر غیر معینہ مدت کے لیے بلاک کر دیا ہے۔ مظاہرین کا کہنا ہے،حکومتی پالیسیوں اور کاروباری پابندیوں کے باعث ان کا روزگار بری طرح متاثر ہو رہا ہے، جس کے نتیجے میں وہ اس شدید قدم اٹھانے پر مجبور ہوئے ہیں۔
مظاہرین کا مطالبہ ہے کہ ان کے روزگار کی بحالی اور مسائل کے حل کے لیے فوری اقدامات کیے جائیں۔ انہوں نے اعلان کیا ہے کہ جب تک ان کے مطالبات پورے نہیں کیے جاتے، تب تک شاہراہِ کو بند رکھا جائے گا۔