- Advertisement -

- Advertisement -

- Advertisement -

- Advertisement -

مرچیگیں تاک ۔۔۔ ٖغلام رسول کہ جی آر؟ … اے آر داد

25

مرچیگیں تاک
۔۔۔

ٖغلام رسول کہ جی آر؟
۔۔۔۔
مولداد اوکاری بَڑیں مردے ات کہ غلام رسول مُلا ءَ وتی دوستی ءِ یاتگاریں نام جی آر مُلا بکشات ءُ اندیم بوت۔
اڑے تو” اوکار” ءِ نام گپت من ءَ عبدالرحیم ءِ ڈاج ءُ وتی اوکار ءِ سَپریات اتک۔ من سک کسان اتاں منی پت ءَ من ءَ ھمراہ کتگ ات ءُ اوکار ءَ برتگ ات۔ دگہ من ءَ ھچ یات نہ کنت بیدء سیاہ کاگدیں پیپلی ءَ کہ منی پت ءَ تیوگیں تیلی یے گپتگ ات ءُ من ءَ داتگ ات۔ ما اوکار ءَ روان اتیں۔
منی بَلُکّ "ھورکان” کہ چہ چھبار ءَ لڑاتگ ات، ھمود ءَ اوکار ءَ اتکگ ءُ جامنند بیتگ ات۔ما بَلُک ءِ سْیاد ءُ وارسانی گِندک ءَ روگ ءَ اتیں۔من دگہ سر ءُ بُن نزاناں۔بلے بزاں من وتی کماش ءِ دپ ءَ مولداد اوکاری ءِ نام باز اشکتگ ات۔ اے گپ من رند ءَ زانتگ کہ وت ءُ مُلا جُوانیں سنگت بیتگ انت۔
بیا کمیں ندارگ ءَ بدل کنیں۔
ندارگ باریں چنچو بدل بیتگ تو نوکی سما کنگ ءَ ئے۔ندارگ ءِ کار ھم ھمیش انت کہ بدل بہ بیت ۔ لبزے بیت کہ زِر ءُ چمے۔ دوئیں ندارگ ءِ کار ءَ کن انت۔

- Advertisement -

منی بالاد رُستگ چو کلات ءَ
نیاں ملگوری کالکے گواپ باں من

تو بازیں مردمانی ءَ سر ءَ باریں چی پُوچ ءُ بِنڈاسک نبشتگ بلے مُلا ءِ سر ءَ کسانیں موتکی نبشتانکے ھم نبشتگ نہ کرتگ۔
منی گپ ءَ ئے؟ ۔ھو ترا گْوشگ ءَ یاں۔
بہ کولء مئے سنگت کے بی فراق ئیگ ءَ تو سُدّائے؟ من اولی مردم اتاں بہ کولء واجہ علی عیسی، دنیگا مُلا ءِ کپن ھشک نہ انت تو آئی ءِ نبشتانک نزّآورتگ ءُ کتاب ءَ چاپ ءُ شنگ کن ئے ۔
ھو ،ھاں ،چوشیں گپے ھست۔
ھیر ایشی ءِ سر ءَ رند ءَ گپ جنیں۔ منی ھیال ءَ من اولی مردم اتاں کہ مُلا نوکی بیران بیتگ ات آئیءِ سر ءَ دو نبشتانک نبشتگ ات۔ یکے احمد اقبال ءِ وژنری ءَ چاپ ءُ شنگ بوت ءُ دومی سید ھاشمی ریفرنس کتاب جاہ ءِ دیوان ءَ ونت۔دگہ مستریں گپ ایش انت کہ من "دْرد 2002 "ءِ تاک ءَ گوں مُلا ءَ دیوانے کرتگ ات ءُ سید ھاشمی ءِ بارو ءَ ھما گپ دیم ءَ آورتگ ات انت کہ مردماں اے میڑینتگ ات انت۔
چون من سرپد نہ بیتاں۔
تو "دْرد” ءِ گُلگدار ءَ بْوان ۔ھرچ گپے کہ سید ءِ بارو ءَ گوں مُلا ءَ ھمگرنچ ات انت، تچک ءُ راست بنت دیم ءَ کاینت۔
بیا ندارگ ءَ بدل کنیں۔
دْرد ءِ جست ءُ مُلا ءِ پسّو

"تئی اَنچیں نبشتانکے ھست کہ تو ظہورشاہ ءِ سر ءَ نبشتگ۔”
"ھو من آئی ءِ زند ءَ نبشتہ کتگ۔من نہ زانتگ من جاھلے بیتگاں۔”
"کجام سرھال ءَ شنگ بیتگ۔”
"بی ایس او ءَ بام ئے کشتگ ات ھمائی ءِ تہ ءَ چاپ بیتگ۔آئی ءِ سروک عبداللہ بلوچ ءُ حفیظ ھوت بیتگ انت۔پد ءَ وشنیتکاں کہ منی مخالف انت اشاں پد ءَ "زندمان” ءَ چاپ کتگ بلکیں ابراھیم عابد ءَ چاپ کتگ۔ نبشتہ کتگ ئے کَلانھیں شاعر۔من جنینے نیاں۔من مردینیاں من ءَ وتی کماش بگوش ایت۔آئی ءِ بلوچی ھمیش انت من ءَ جنینے کنگ ءَ انت ۔کَلانھیں شاعر، آئی ءَ چہ رند من بھارگاہ ءِ تہ ءَ نبشتہ کتگ ءُ سید ءَ چہ معافی لوٹ اتگ۔” تاکدیم 159

- Advertisement -

"تئی یک شئیرے کہ شِیز ءُ گوماز۔۔۔ گوش انت تو ظہورشاہ ءِ سر ءَ نبشتہ کتگ۔”
"اے چو بیت کہ مراد ساحر اے چکاس بند ءَ دنت
مھر اندیم نہ بیت پُلّیں نکابانی پد ءَ ،من ءَ دات ئے ،ظفر ءُ سید ،اے دگراں ھم دات ئے ۔من بلے اے وھد ءَ جیونی ءَ باں۔من کہ واتر کنان ءُ کراچی ءَ کایاں رحیم بخش آزاد ءُ اے دگہ سنگت گْوش انت ترا سید ءَ چو نہ کتگ
راج پہ گُژن مریت تو مست ئے شرابانی پد ءَ ،ترا گُوشتگ ئے،چوش کتگ ئے، پِلاں کتگ ئے۔گُڑا من گْوشت من ھم گْوشان ئے۔

شِیز ءُ گوماز مہ چر کوھسری تردوکیں سید
عالی ءَ کول کتگ ونگ ءُ کبابانی پد ءَ
دھر ءِ پاھاراں بہ مار،سستگیں دستونک ءَ بسوچ
اُمرے تو پیر کتگ ھانل ءِ دابانی پد ءَ
تاکدیم 160
ھیر مُلا ءَ وَ منّ ات کہ گوں من ردی بوتگ من آزمانگ ءَ سید نہ زانتگ۔ بلے تو سما کت کہ مُلا ءَ چی گوشگ بوتگ ؟
ھومن وَ ھیراناں مردم چو ھم کن انت۔
سید ءِ ھمے دستونک "شکلیں شھجو” تہ ءَ چاپ انت بلے چوشیں شئیر کہ مُلا ءَ کراچی ءَ گوشگ بیتگ آئی ءِ کتاب ءَ مان نیست۔ایوک یک شئیرے ھست کہ اود ءَ مُلا ءِ لبز کیت بلے ایشی ءِ مانا ایش نہ انت کہ اے مُلا جی آر بہ بیت۔

بیرگیں دْروگے اومُلاّ چوش ھداوند نہ کنت
تو جن ئے داتگیں دادانی ھسابانی پد ءَ

منی گوں مُلاّ ءَ دوستی ءَ اے رنگ ءَ بچار کہ 27ستمبر 2014 من جی آر ءِ درائیں نبشتانک ءُ رجانک چت ءُ یکجاہ کرت انت۔احمد ھمزار ءَ کتاب جریدگ کتگ ات۔فیس بک ءُ رسانک دراں ایشی ءِ سرتاک ءُ جارتاک شنگ ات انت۔تو ھمے بگوش نوکی مُلا ءِ رپتن ءَ ماھے سرجم بیتگ ات ءُ منی کتاب جریدگ ات۔ اے آئی ءِ ھما نبشتانک ات انت کہ تاک ءُ ماھتاکاں شنگ بیتگ ات انت۔
کتاب چاپ نہ بوت۔ من احمد ھمراز ءِ پتینکاں دَور دات ءُ اَنچو پراموش بیتاں گُوشے تھل ءُ نہ وشّیں یاتے بہ بیت۔بلے زاناں یات پراموش کنگ بیت ؟ کدی اوں کسے کہ مُلاّ ءِ نام ءَ بہ گپت من ءَ "زبان تئی باھوٹاں ” یات کیت۔ سالے نہ گوست کہ ورناھے ءَ من ءَ ھال کت من علامہ اقبال اوپن شھدربرجاہ ءَ مُلا ءِ سر ءَ ایم فل کنگ لوٹاں من ءَ آئی ءِ سیاھگ ءُ نکان رسگ ءَ نہ انت۔من نی چی بگْوشاں۔ ھمے گْوشت کہ گوں احمد ھمراز ءَ ھال بکن منی نزّآورتگیں جی آر ءِ نکان ھمائی ءِ گور ءَ بنت۔
زاناں چی بیتگ کہ اے کتاب توچاپ نہ کتگ۔
بِل کْوھنیں گپے ۔گوں من اَنچو دلگران انت دگہ گپے بکناں من ءَ آمید گس ءَ مہ برنت۔

آمید گس ؟
من ءَ گُوشت اش کہ مُلا ءِ دنیگا کپن ھشک نہ انت تو سرگپتگ ئے آئی ءِ کتاب ءِ چاپ ءُ شنگ کنگ ءَ ، من وَ ھیران بیتاں کہ دنیا ءَ ندکار ءُ شاعرے کہ سپر کنت ھما ھپتگ ءَ آئی ءِ پشکپتگیں کار دیم ءَ آرگ بنت ،گوں ما ربیت اے رنگ ءَ انت۔بلکیں منی بْراتیں سنگتے ءَ چہ اکیڈمی ءِ نیمگ ءَ من ءَ اے ھال ھم دات کہ اگاں کتاب شنگ بوت اے ترا آمید گس ءَ برنت۔ھمے آمید گس ءَ چہ من ترستاں ۔من انَچو سما کت کہ داد آمید گس ءَ اوشتاتگ ءُ گْوشگ ءَ انت واجہ منی میار ءُ گناہ؟ من گْوشتگ بلکیں من ءَ شاباشی دیگ بیت من نہ زانتگ سر منی اد ءَ کپ ایت۔
چہ ھما روچ ءَ پد من "زبان تئی باھوٹاں ” پراموش کت۔ رند ءَ من زانت کہ نیمون چی انت۔ اے نبشتانک مرچی ھم ھست انت۔ نوں درائیں وانوک ھم سھیگ انت کہ مُلا ءَ دنیگا چی نبشتگ۔ زی بے ءَ تجاں میتاپ باں من
شپ انت ءُ چِلگ ءُ کھریں زمستان
وت ءَ سوچاں کہ بلکیں باپ باں من

اے آر داد

- Advertisement -

- Advertisement -

جواب چھوڑیں

آپ کا ای میل ایڈریس شائع نہیں کیا جائے گا.

بریکنگ نیوز
مومن علی بلوچ نے ایکسئین پبلک ہیلتھ گوادر کے چارج سھنبال لیا. ہوشاپ میں ایم ایٹ سی پیک شاہراہ بند، ٹوکن مافیا نے انتظامیہ کو بلیک میل کرنا شروع کردیا، کارروائی کی... گوادر کربلا بن گیا، شدید گرمی میں شہری بوند بوند کو ترس گئے۔نیشنل پارٹی کے راہنما اور سابق تحصیل نا... گوادر کے عوام کو مصیبت کے وقت کھبی تنہا نہیں چھوڑئیں گے. رکن قومی اسمبلی این اے کیچ کم گوادر حاجی م... غلط منصوبہ بندیوں سے شہر کا اسٹرکچر تباہ ہوگیا۔گوادر سول سوسائٹی و رہنماؤں کا گوادر پریس میں سمینار ... گوادر میں زاہد المیعاد اور عیر معیاری اشیاء خوردونوش فروخت کرنے والوں کے خلاف چیرمین گوادر کے اقداما... گوادر ڈرینج سسٹم یا موت کا کنواں۔ مکران کوسٹل ہائی وے پر گوادر کے علاقے چھب کلمتی کے مقام پرایک تیز رفتار ایرانی پک اپ زمباد گاڑی ٹائر... پاکستان کوسٹ گارڈز کا خفیہ اطلاع پر گوادر کے ساحلی علاقے سربندر میں سرچ اپریشن 2 عدد بوریوں میں چھ... گزشتہ دنوں وندر کے مقام پر پنجگور کے طالب علموں کے ساتھ پیش آنے والا واقعہ کسی سانحہ سے کم نہیں ہے۔ع... سیلاب کو نہ روکیے رستہ بنائیے۔ ناصر رحیم سہرابی 27 فروری کو گوادر میں ھونے والی طوفانی بارشوں کے پانی تاحال ملا فاضل چوک اور اسکے ارد گرد کے گھروں ا... پسنی کے ساحل پر ایک سبز کچھوا مردہ حالت میں پایا گیا۔ کوئٹہ پریس کلب میں پیس اینڈ ایجوکیشن فاؤنڈیشن کے زیر اہتمام ایک روزہ ورکشاپ وزیرِ اعظم محمد شہباز شریف اور وزیراعلی بلوچستان میر سرفراز احمد بگٹی کا دورہ گوادر