قومی خلائی ادارے اسپارکو کے زیر اہتمام ورلڈ اسپیس ویک 2024 کے سلسلے میں گوادر گرائمر اسکول گوادر کے لیے بیسٹ اسپیس اسکول کا ایوارڈ
ورلڈ اسپیس ویک ایسوسی ایشن کے بینر تلے اسپارکو کے زیر اہتمام ہر سال 4تا10 اکتوبر کو ورلڈاسپیس کے سلسلے میں ملک بھر میں تعلیمی ادارے، سائنسی و عوامی تنظیمیں مختلف مقابلے اور سرگرمیاں منعقد کرتی ہیں جن کی بنیاد پر اسپارکو بیس بہترین تعلیمی اداروں کو بیسٹ اسپیس اسکول کا ایوارڈ دیتی ہے۔ گوادر گرائمر اسکول اس سے قبل 2021 اور 2022 میں بھی بیسٹ اسپیس اسکول کا ایوارڈ حاصل کر چکا ہے۔
اور تین بار یہ ایوارڈ حاصل کرنے والا پہلا تعلیمی ادارہ ہے جو گوادر کے لیے ایک اعزاز کی بات ہے۔ واضح رہے کہ اسپارکو کی جانب سے جاری کردہ بیسٹ اسپیس اسکول 2024 کا ایوارڈ پانے والے تعلیمی اداروں میں بلوچستان کے صرف دو ادارے شامل ہیں۔ گوادر گرائمر اسکول کی بورڈ کے سربراہ خدابخش ہاشم نے اس شاندار کامیابی اور اعزاز پر اسکول کے پرنسپل، اساتذہ، طلبا اور والدین کو مبارکباد پیش کی ہے اورانکی کوششوں کو سراہا ہے۔
