عوامی نمائندوں کے مشاورت کے بغیر کُنٹانی کی بندش کی شدید مذمت کرتے ہیں۔مولانا ہدایت الرحمن

*حق دو تحریک بلوچستان نیوز*

عوامی نمائندوں کے مشاورت کے بغیر کُنٹانی کی بندش کی شدید مذمت کرتے ہیں، کوسٹ اور انتظامیہ اپنی لڑائی میں عوام کو ذلیل کرنا چھوڑ دیں ، مولانا ہدایت الرحمان بلوچ

ایم پی اے گوادر مولانا ہدایت الرحمان بلوچ نے کنٹانی ھور کی دس دنوں کی بندش کی مذمت کرتے ہوئے کہا کہ عوامی نمائندوں کو اعتماد میں لئے بغیر کُنٹانی کی بندش افسوس ناک ہے. کوسٹ گارڈ اور ضلعی انتظامیہ اپنی لڑائی میں عوام کو ذلیل کرنا چھوڑ دیں

مولانا بلوچ نے کہا کہ جب بھی جہاں بھی غریب عوام روزی روٹی کمارہا ہو وہاں اداروں کو تکلیف ہے اس لئے مختلف مافیاز کے ذریعے اسے عوام سے دور رکھنے کی کوشش کی جاتی ہے

ایم پی اے گوادر نے واضح طور پر کہا عوام نے ہمیں منتخب کیا ہے تو ہم فیصلے بھی عوام کا ہی تسلیم کریں گے کسی ادارے کی ہٹ دھرمی میں نہیں آئیں گے. اگر عوام اس کے لئے سڑکوں پر نکلے گی تو ہم بھی سڑکوں پر موجود ہوں گے