- Advertisement -

- Advertisement -

- Advertisement -

- Advertisement -

مکی مسجد تا ملا فاضل چوک روڈ کے معاملے پر متاثرین سمیت تمام سیاسی اسٹک ہولڈرز، انجمن تاجران اور سول سوسائٹی ایک پیج پر ہیں

282

گوادر (بیورو رپورٹ) مکی مسجد تا ملا فاضل چوک روڈ کے معاملے پر متاثرین سمیت تمام سیاسی اسٹک ہولڈرز، انجمن تاجران اور سول سوسائٹی ایک پیج پر ہیں ۔ انتظامیہ اور جی ڈی اے طاقت کے استعمال اور متاثرین کو دبانے سے گریز کرتے ہوئے معاملہ افہام و تفہیم سے حل کرائیں ۔ متاثرین کے خدشات تحفظات اور مطالبات جائز ہیں ۔ متاثرین کو کسی صورت تنہا نہیں چھوڑا جائے گا۔ اگر سختی کی گئی تو عوامی ردعمل کا سامنا ہوگا ۔ متاثرین کو مارکیٹ ویلیو کے حساب سے کمپنشیشن اور متبادل اراضی دی جائے، اجلاس میں مختلف آپشن پر غور تفصیلات کے مطابق مکی مسجد تا ملا فاضل چوک روڈ کے متاثرین کی بابت سیاسی اسٹک ہولڈرز ، سول سوسائٹی اور انجمن تاجران کے ساتھ قائم کی گئی جوائنٹ ایکشن کمیٹی کے منعقدہ اجلاس میں تمام سیاسی جماعتوں ،سول سوسائٹی ،انجمن تاجران اور متاثرین روڈ کے نمائندوں نے شرکت کی ۔اجلاس میں ضلعی انتظامیہ اور جی ڈی اے کی جانب سے مکی مسجد تا ملا فاضل چوک روڈ پر واقع دکانوں کی پیشگی اطلاع اور نوٹس کے بغیر تجاویزات کے نام پر شیڈ، اور دکانوں وغیرہ کی تھوڈ پھوڈ پر سخت برہمی کا اظہار کیا گیا ۔اجلاس میں مختلف آپشن پر غور کرتے ہوئے اس بات کا اعادہ کیا گیا کہ متاثرین کسی روڈ یا ترقی کے خلاف نہیں لیکن ان کے جائز خدشات تحفظات اور مطالبات کو سنے اور تسلیم کئے بغیر کسی پیشگی اطلاع یا نوٹس کے ان کی املاک کو نقصان پہنچانا باعث تشویش عمل ہےاور ردعمل کے طور پر جمہوری حق استعمال کرنے اور پرامن احتجاج ریکارڈ کرنے پر متاثرین اور انجمن کے نمائندوں کو دبانے پر سخت برہمی کا اظہار کیا گیا ۔ انھوں نے کہا کہ متاثرین روڈ کے خدشات و مطالبات جائز ہیں وہ ترقی یا کسی روڈ کے خلاف بھی نہیں بلکہ وہ روڈ کی زد میں آنے پر اپنے پراپرٹی کے بدلے مارکیٹ ویلیو کے حساب سے کمپنشیشن اور متبادل اراضی چاہتے ہیں جو بالکل درست ہیں اجلاس میں کہا گیا ہے متاثرین کے معاملے پر تمام سیاسی جماعتیں ،سول سوسائٹی اور انجمن تاجران کے تمام اسٹک ہولڈرز ایک پیج پر ہیں ، ہم پرامن لوگ ہیں ۔متاثرین کے معاملے کا پر مغز حل ڈھونڈا جائے انھوں نے کہا کہ جوائنٹ ایکشن کمیٹی متاثرین کو کسی صورت تنہا نہیں چھوڑی گی ان کے ساتھ مل کر ہر جائز طریقے سے ان کا ساتھ دیں گے اجلاس میں فیصلہ کیا گیا کہ جوائنٹ ایکشن کمیٹی پیر کے روز ڈپٹی کمشنر اور جی ڈی اے کے ڈائریکٹر جنرل سے ملاقات کرکے متاثرین کی خدشات و تحفظات اور مطالبات پر گفت و شنید کرے گی۔ انھوں نے کہا کہ اگر جوائنٹ ایکشن کمیٹی کے پیشگی اطلاع اور نوٹس کے بغیر تجاویزات ہٹانے کے نام پر متاثرین کی دکانوں اور املاک کو نقصان پہنچانے کا سلسلہ پھر شروع کیا گیا تو ضلعی انتظامیہ اور جی ڈی اے کو سخت عوامی ردعمل کا سامنا ہوگا ۔ انھوں نے کہا کہ عنقریب روڈ متاثرین کے ساتھ مل کر پریس کانفرنس کیا جائے گا اور ہر ممکن طریقے سے متاثرین کا مقدمہ چلایا جائے گا اور ان کی بھر پور معاونت اور عوامی پاور دیکھائی جائے گی انھوں نے ضلعی انتظامیہ کی ایماء پر پولیس کے ذریعے انجمن تاجران اور متاثرین کے نام جاری کی گئی اظہار وجوہ کے نوٹس کو فوری طور پر ود ڈرا کرنے کا بھی مطالبہ کیا گیا اور اس عمل کو متاثرین کو دبانے اور انھیں اپنے اظہار رائے کاجہموری حق استعمال سے روکنے سے تعبیر کیا گیا ۔ انھوں نے کہا کہ متاثرین سمیت تمام سیاسی اسٹک ہولڈرز سول سوسائٹی اور انجمن تاجران کو باہمی اعتماد و اتحاد کو برقرار رکھنا ہوگا ۔اجلاس میں نیشنل پارٹی کی طرف سے سابق چیئرمین میونسپل کمیٹی گوادر عابد رحیم سہرابی ، بی این پی کی جانب سے کہدا علی ، جمعیت علمائے اسلام کی جانب سے ۔مولانا عبدالحمید انقلابی ، انجمن تاجران کی جانب سے عبدالغنی بلوچ ، پی ٹی آئی کی جانب سے مولا بخش مجاہد ، حق دو تحریک کی جانب سے بشیر ہوت ،شکیل کے ڈی ، وائس چیئرمین میونسپل کمیٹی گوادر ماجد جوہر ، سول سوسائٹی کی جانب سے محمد عارف بلوچ ، پریس میڈیا پریس کلب کی جانب سے نورمحسن ، اور متاثرین روڈ کے نمائندوں نے شرکت کی ۔

- Advertisement -

- Advertisement -

جواب چھوڑیں

آپ کا ای میل ایڈریس شائع نہیں کیا جائے گا.

بریکنگ نیوز
گوادر میں زاہد المیعاد اور عیر معیاری اشیاء خوردونوش فروخت کرنے والوں کے خلاف چیرمین گوادر کے اقداما... گوادر ڈرینج سسٹم یا موت کا کنواں۔ مکران کوسٹل ہائی وے پر گوادر کے علاقے چھب کلمتی کے مقام پرایک تیز رفتار ایرانی پک اپ زمباد گاڑی ٹائر... پاکستان کوسٹ گارڈز کا خفیہ اطلاع پر گوادر کے ساحلی علاقے سربندر میں سرچ اپریشن 2 عدد بوریوں میں چھ... گزشتہ دنوں وندر کے مقام پر پنجگور کے طالب علموں کے ساتھ پیش آنے والا واقعہ کسی سانحہ سے کم نہیں ہے۔ع... سیلاب کو نہ روکیے رستہ بنائیے۔ ناصر رحیم سہرابی 27 فروری کو گوادر میں ھونے والی طوفانی بارشوں کے پانی تاحال ملا فاضل چوک اور اسکے ارد گرد کے گھروں ا... پسنی کے ساحل پر ایک سبز کچھوا مردہ حالت میں پایا گیا۔ کوئٹہ پریس کلب میں پیس اینڈ ایجوکیشن فاؤنڈیشن کے زیر اہتمام ایک روزہ ورکشاپ وزیرِ اعظم محمد شہباز شریف اور وزیراعلی بلوچستان میر سرفراز احمد بگٹی کا دورہ گوادر بلوچستان کے عوام کسی بھی مصبیت کی گھڑی میں خود کو تنہا محسوس نہ کریں۔وزیر اعلٰی بلوچستان ہزاروں مکانات پانی میں ڈوبے ہوئے ہیں، کشتیاں، گھر، دیواریں، مال مویشی اور دیگر اشیاء ضائع ہوچکے ہیں. ضلع کیچ کی سب تحصیل ہوشاپ سے پنجاب کے رہائشی پانچ افراد اغوا۔ جوائنٹ ایکشن کمیٹی کے رکن اور ملا فاضل چوک کے متاثرین نے حق دو تحریک کے سربراہ مولانا ہدایت الرحمن ک... گوادر، پریس کلب کی نومنتخب کابینہ ارکان نے اپنے عہدوں کا حلف اٹھالیا.