گوادر پورٹ کمپلیکس میں حسین اشرف فٹسال گراؤنڈ کا افتتاح کردیا گیا.مزید جانئیے

گوادر ( اسٹاف رپورٹر )گوادر پورٹ کمپلیکس میں حسین اشرف فٹسال گراؤنڈ کا افتتاح کردیا گیا.فٹسال گراؤنڈ کا افتتاح اشرف حسین اور گوادر پورٹ اتھارٹی کے چئیرمین پسندخان بلیدی نے کیا۔
اس موقع پر معروف شخصیت اشرف حسین نے کہاکہ گوادر پورٹ اتھارٹی کے چئیرمین پسند خان بلیدی کی ذاتی کوششوں سے گوادر پورٹ اتھارٹی کی جانب سے شہریوں کیلئے مختلف سہولیات کی فراہمی قابل ستائش ہے،پورٹ کمپلیکس میں فٹسال گراؤنڈ کا قیام نوجوانوں میں صحت مند ماحول کے فروغ کیلئے اہمیت رکھتا ہے،چئیرمین گوادر پورٹ اتھارٹی پسند خان بُلیدی نے کہاکہ حسین اشرف فٹسال گراؤنڈ حکومت بلوچستان کے تعاون سے قائم کیا گیا ہے،جہاں کھیل کے میدان آباد ہونگے،وہاں سماجی اور معاشرتی ماحول مثبت سرگرمیوں کا فروغ اور مرکز ہوگا،گوادر فٹبال کے شیدائیوں کا مرکز ہے،یہ فٹسال گوادر کے نوجوانوں کیلئے ایک تحفہ ہے۔گوادر پورٹ اتھارٹی ایجوکیشن،صحت،اور دیگر شعبہ ہائے زندگی میں اپنا کردار ادا کرتا رہے گا