میر عبدالغفور کلمتی کرکٹ اکیڈمی کے زیر اہتمام انٹر اسکولز کرکٹ چمپیئن شپ گوادر میں گرلز اسکولز کافائنل میچ کھیلاگیا

میر عبدالغفور کلمتی کرکٹ اکیڈمی کے زیر اہتمام انٹر اسکولز کرکٹ چمپیئن شپ گوادر میں گرلز اسکولز کافائنل میچ کھیلاگیا ، گرلزاسکولز کا
فائنل میچ گورنمنٹ گرلز ہائی اسکول شمبے اسماعیل گوادر اور گورنمنٹ گرلزہائی اسکول گوادر کے درمیان کھیلا گیا ، گورنمنٹ گرلز ہائی اسکول گوادر نے ٹاس جیت کر پہلے بیٹنگ کرتے ہوئے مقررہ 10اوورز میں 5 وکٹ کے نقصان پر 66 رنز بنائے جس میں افروز ابراہیم کے 26 رنزاور ثناء کے 18رنزنمایاں تھےجواب میں گورنمنٹ گرلز ہائی اسکول شمبے اسماعیل گوادر نے مطلوبہ ٹارگٹ اننگ کے آخری اوور میں 8وکٹ کے نقصان پر پورا کرکے میچ جیت لیا اور ٹرافی اپنے نام کرلی۔اننگ میں فرحانہ داؤد کے 23 اور حانی کے 17 رنز نمایاں تھےجبکہ گورنمنٹ گرلز ہائی اسکول گوادر کی جانب سے افروز ابراہیم نے 3اور نایاب ایاز نے 2وکٹ حاصل کئے۔
فرحانہ داؤد کو فائنل کا بہترین کھلاڈی قرار دیا گیا۔
فائنل میچ کے مہمان خاص ڈسٹرکٹ ایجوکیشن آفیسر فی میل میڈم بلقیس سلیمان تھیں,انکے ہمراہ گورنمنٹ گرلز ہائی اسکول کی ہیڈ مسٹریس میڈم راشدہ افضل، میڈم زم زم بلوچ، ڈسٹرکٹ اسپورٹس آفیسر عبدالغفار یوسف ڈائریکٹ میرعبدالغفورکلمتی اکیڈمی گوادر علی عاقب اور ٹورنامنٹ میں شامل گرلز اسکولز کے ٹیچرز اور اسکولز کی بچیوں نے شرکت کی۔
جبکہ گرلز کرکٹرز کی حوصلہ افزائی کے لئے بلوچستان وومن کرکٹ ٹیم کے کپتان خیرالنساء نے پوری بلوچستان کرکٹ ٹیم کے ساتھ شرکت کی انھوں نے کھلاڈیوں سے مصافحہ کیا،انکی حوصلہ افزائی کے لئے پورا میچ دیکھا اور جیت کی خوشیوں میں شریک رہے۔تقریب تقسیم انعامات بہت جلد منعقد کی جائے گی