ڈاکٹر مہناز اسلم نے چین میں منعقدہ بین الاقوامی فورم میں تربت یونیورسٹی کی نمائندگی کی

ڈاکٹر مہناز اسلم نے چین میں منعقدہ بین الاقوامی فورم میں تربت یونیورسٹی کی نمائندگی کی

گوادر (گوادر سٹی نیوز ) یونیورسٹی آف تربت کے شعبہ تعلیم کے چیئرپرسن ڈاکٹر مہناز اسلم نے 3 اور 4 جولائی 2025 کو چین میں سن یٹ سین یونیورسٹی کے اسکول آف انٹرنیشنل اسٹڈیز کے ژوہائی کیمپس اور گوانگژوکیمپس کا دورہ کیا، جہاں انہوں نے "چین پاکستان تعاون” کے موضوع پر منعقدہ دو روزہ بین الاقوامی کانفرنس/فورم میں شرکت کی۔

کانفرنس کے دوران ڈاکٹر مہناز اسلم نے ایک تحقیقی مقالہ پیش کیا جس میں چین اور پاکستان کے دوطرفہ تعلقات، مستقبل کے ممکنہ چیلنجز، اور چین پاکستان اقتصادی راہداری (سی پیک) کے تحت تعلیمی شعبے میں سرمایہ کاری پر سیر حاصل گفتگو کی گئی۔ انہوں نے اپنے خطاب میں تربت یونیورسٹی اور سن یٹ سین یونیورسٹی کے مابین تعلیمی و تحقیقی تعاون کوفروغ دینے کی ضرورت پر زور دیا-

اس موقع پر سن یٹ سین یونیورسٹی نے تربت یونیورسٹی کے طلبہ کے لیے ایم فل اور پی ایچ ڈی کی سطح پر اسکالرشپس فراہم کرنے پر آمادگی ظاہر کی۔ یہ پیش رفت دونوں اداروں کے درمیان تعلیمی و تحقیقی روابط کو فروغ دینے میں سنگ میل ثابت ہوگی۔