ایم پی اے گوادر مولانا ہدایت الرحمان نے چیئرمین شریف میانداد کو ضلع گوادر کے لئے اپنا کوآرڈینیٹر مقرر کردیا

گوادر(اسٹاف رپورٹر ) رکن صوبائی اسمبلی مولانا ہدایت الرحمان بلوچ کے دفتر سے جاری ایک اعلامیہ کے مطابق مولانا ہدایت الرحمان بلوچ نے ضلع گوادر کے لیے شریف میانداد کو اپنا ضلعی کوآرڈینیٹر مقرر کیا ہے۔

اعلامیہ کے مطابق مسٹر شریف میانداد، ضلع میں عوامی، سماجی ، سیاسی مسائل اور دیگر امور کو ایم پی اے گوادر کے دفتر کے ذریعے بہتر انداز میں حل کرنے میں معاونت کریں گے۔

یہ تقرری عوامی خدمت اور عوامی نمائندے کی جانب سے اپنے حلقے کے مسائل کے حل کے عزم کا اظہار ہے۔ ضلعی کوآرڈینیٹر کا کردار گوادر کے عوام اور ایم پی اے کے دفتر کے درمیان ایک پل کے طور پر ہوگا، جس سے مسائل کو بروقت اور موثر طریقے سے حل کرنے میں مدد ملے گی۔

مولانا ہدایت الرحمان بلوچ کے دفتر کے اس فیصلے کو عوامی حلقوں میں خوش آئند قرار دیا جا رہا ہے، جس سے عوامی خدمت کی فراہمی میں مزید بہتری کی توقع کی جا رہی ہے۔