گورنمنٹ بوائز ہائی اسکول شپانکو بازار پسنی میں سالانہ اسپورٹ گالہ کا افتتاح کردیا گیا

پسنی( نامہ نگار ) پسنی، گورنمنٹ بوائز ہائی اسکول شپانکو بازار پسنی میں سالانہ اسپورٹ گالہ کا افتتاح کردیا گیا ، خصوصی مہمان ڈپٹی ڈسڑکٹ ایجوکیشن آفیسر الہٰی بخش کی جانب سے افتتاحی تقریب کیلئے پانچ ہزار روپے کا اعلان ، کھیلوں کے انعقاد سے طلبا کی ذہنی و جسمانی نشونما ہوگی، وائیس چیرمین فہیم جوہر ، چیف آفیسر مندوست بلوچ ، شاکر رند، گلاب غالب اور دیگر کی شرکت _
تفصیلات کے مطابق گورنمنٹ بوائز ہائی اسکول شپانکو بازار پسنی میں حسب روایت سالانہ اسپورٹ گالہ کا باقاعدہ افتتاح کردیا گیا ، ڈپٹی ڈسٹرکٹ ایجوکیشن آفیسر پسنی، الہٰی بخش نے بطور مہمان خصوصی شرکت کی ، جبکہ وائس چیرمین تحصیل کونسل پسنی فہیم جوہر ، چیف آفیسر پسنی بلدیہ مندوست بلوچ ، پسنی فش ہاربر اتھارٹی کے آفیسر شاکر رند، گورنمنٹ ڈگری کالج پسنی کے لکچرار گلاب غالب، سینئر استاد واحد بخش مزار ، گورنمنٹ بوائز ہائی اسکول ببر شور کے اساتذہ دانش صابر اور شاہ فیصل نے بھی اسپورٹ گالہ میں شرکت کرکے طالب علموں کی حوصلہ افزائی کی _ اس موقع پر پسنی فس ہاربر اتھارٹی کے شاکر رند نے فٹبال کھلاڑیوں اور طالب علموں سے خطاب کرتے ہوئے کہا ہے کہ اسپورٹ انسانی روح کو تر و تازہ کرنے کے ساتھ ساتھ انسان کو مضبوط کرتا ہے اور اس سے انسان کے ذہنی و جسمانی نشوونما ہوتی ہے _ معزز مہمانوں نے کہاکہ درس و تدریسی سرگرمیاں اپنی جگہ انتہائی ضروری ہیں لیکن انسان کو صحت مند ہونے کیلئے کھیل کود بنیادی حیثیت رکھتے ہیں_ ڈپٹی ڈسٹرکٹ ایجوکیشن آفیسر پسنی الہٰی بخش نے افتتاحی تقریب کیلئے اپنی طرف سے پانچ ہزار روپے کا اعلان کیا _ طلبہ کے درمیان مختلف کھیل کھیلے گئے پہلے مرحلے میں جماعت پنجم اور جماعت ششم کے طلبہ کے درمیان شاندار فٹبال میچ کھیلا گیا جماعت ششم نے پنجم کلاس کی ٹیم کو شکست سے دوچار کردیا _ اسی طرح جماعت نہم اور ہفتم کلاس کے طلبا کے درمیان کرکٹ کی دلچسپ مقابلے ہوئے نہم نے ہفتم کلاس کو شکست دیکر کامیابی اپنے نام کردیا _ رسہ کشی ، کیلا ریس کے دلچسپ اور روایتی کھیل بھی طلبا کی جانب سے پیش کی گئیں_ آخر میں ہیڈ ماسٹر نصیر احمد نے تمام مہمانوں کا شکریہ ادا کرنے ہوئے کہا ہے کہ ہمارا مقصد طالب علموں میں موجود صلاحیتوں کو ابھار کر سامنے لانا ہے _ اور درس و تدریسی عمل کے ساتھ ساتھ غیر نصابی سرگرمیوں طالب علموں کو ذہنی و جسمانی صحت مندی کی جانب بڑھانا ہے _