ضلعی انتظامیہ کی جانب سے نیشنل پارٹی کے ضلعی صدر اور آل پارٹیز گوادر کے کنوینئر ھوت عبدالغفور ھوت کے ڈیرے کی مسمار کرنے کی شدید الفاظ میں مذمت کرتے ہیں. آل پارٹیز گوادر

گوادر ( پریس ریلیز )آل پارٹیز گوادر نے آل پارٹیز گوادر کے کنوینئر عبدالغفور ھوت صاحب کی ڈیرے پر ضلعی انتظامیہ کی کاروائی کی شدید الفاظ میں مذمت کرتے ہوئے کہا کہ ضلعی انتظامیہ اونچے ہتھکنڈوں پر اتر آئی ہے اٹھائیس دنوں سے جاری دھرنا گوادر کے بنیادی ایشوز پر جاری ہے اور جائز مطالبات کے حل تک انشاءاللہ جاری رہے گا۔

انھوں نے کہا کہ سیاسی جدوجہد کو منفی ہتھکنڈوں سے روکا نہیں جاسکتا حکومت کی غیر قانونی اور عوام دشمن اقدامات سے آل پارٹیز گوادر کے رہنماؤں کے حوصلے مزید بلند ھونگے صوبائی حکومت بحر بلوچ میں غیر قانونی ٹرالنگ و شکار پر فوری پابندی عائد کریں اور ٹرالنگ کے خلاف فوری کارروائی کریں، بارڈر روزگار کو بغیر کسی رکاوٹ کی اجازت دی جائے، گوادر سیلاب متاثرین کو معاوضہ ادا کیا جائے اور بجلی سمیت دیگر بنیادی مسائل حل کئے جائیں۔ انہوں نے ضلعی انتظامیہ اور صوبائی حکومت سے مطالبہ کیا کہ آل پارٹیز گوادر کے تمام جائز اور عوامی مطالبات کو فوری طور پر حل کرنے کے لیے اقدامات کریں۔