میر آباد میں خوفناک حادثہ، پٹرول بردار گاڑیاں جل کر تباہ. مزید جانئیے

تربت(اسٹاف رپورٹر/ گوادر سٹی نیوز ) میر آباد میں خوفناک حادثہ، پٹرول بردار گاڑیاں جل کر تباہ، متعدد افراد کے جاں بحق ہونے کا خدشہ
تحصیل تمپ کے علاقے میر آباد میں زبیدہ جلال روڈ پر ایک خوفناک حادثہ پیش آیا. جس میں تین پٹرول بردار گاڑیاں آپس میں ٹکرا گئیں۔ ٹکر کے نتیجے میں گاڑیوں میں آگ بھڑک اٹھی جو دیکھتے ہی دیکھتے تباہ کن شکل اختیار کر گئی۔
آتشزدگی کے باعث ایک کروزر اور ایک ڈاج سمیت تینوں گاڑیاں جل کر خاکستر ہوگئیں جب کہ ان میں سوار تمام ڈرائیورز اور ان کے کلینرز کے بھی ممکنہ طور پر جاں بحق ہونے کا خدشہ ہے۔ تاہم ہلاکتوں کی حتمی تعداد کی تصدیق تاحال ممکن نہیں ہو سکی۔
مقامی لوگوں کے مطابق علاقے میں آگ بجھانے کے کوئی وسائل موجود نہیں تھے جس کے باعث گاڑیاں مکمل طور پر جل گئیں اور ان میں سوار افراد مبینہ طور پر ہلاک ہوگئے۔
حادثے کی وجہ فوری طور پر معلوم نہیں ہو سکی لیکن ذرائع کا کہنا ہے کہ سڑک کی خستہ حالی اس حادثے کا سبب بن سکتی ہے