بلدیہ گوادر کی جانب سے کلین گوادر گرین گوادر مہم کا آغاز کردیا گیا۔

گوادر ( گوادر سٹی نیوز ڈیسک )بلدیہ گوادر کی جانب سے کلین گوادر گرین گوادر مہم کا آغاز کردیا گیا۔ اس سلسلے میں چیئرمین بلدیہ گوادر شریف میاہ داد کی سربراہی میں ایک واک کا انعقاد کیا گیا، واک کے شرکا نے کلین گوادر گرین گوادر کے بینرز اور پوسٹر اٹھا رکھے تھے، واک کے شرکا نے میرین ڈرائیو صدف ہوٹل سے شروع ہوکر مختلف شاہراہوں سے ہوتے ہوئے سید یادگار چوک تک اختتام پزیر ہوا، کلین گوادر گرین گوادر مہم واک میں شہریوں سمیت مختلف سرکاری اداروں اور اسکولوں کے طلباء نے بڑی تعداد میں شرکت کی۔
مقررین کا کہنا تھا کہ گوادر جیسے ساحلی شہر کے لئے ماحول کی حفاظت اور صفائی اہمیت کا حامل ہوتی ہے۔ اس مہم کے ذریعے عوام کو تعلیم دینا اور شہریوں کو آگاہی فراہم کرنا ہوتا ہے کہ وہ اپنے ماحول کو صحیح طریقے سے دیکھ بھال کریں۔اور اپنی اردگرد کے صفائی میں بڑھ چڑھ کر حصہ لیں تاکہ آپکا معاشرہ صاف و ستھرا ہو۔ انہوں نے گوادر میں ماحول کے تحفظ کے لئے ہم سب کو بڑھ چڑھ کر حصہ لینا ہوگا اور اس کےلئے ضروری ہے کہ ہم اپنے شہر کو صاف ستھرا رکھنے میں اپنا فرض ادا کریں کیونکہ ترقی کے ساتھ ساتھ ایک کشادہ ماحول میں سانس لینا بھی ضروری ہے۔اس موقع پر جی ڈی اے آفیسر عبدالرحیم بلوچ،ڈاکٹر عبدالواحد بلوچ ،مولانا لیاقت بلوچ و دیگر نے خطاب کیا۔