سول اسپتال گوادر کی نئی عمارت گیراج بن گئی شہریوں کی اعلیٰ حکام سے فوری نوٹس لینے کی اپیل

سول اسپتال گوادر کی نئی عمارت گیراج بن گئی شہریوں کی اعلیٰ حکام سے فوری نوٹس لینے کی اپیل ۔

گوادر: ( گوادر سٹی نیوز ) سول اسپتال گوادر کی نئی عمارت کے برآمدے کو شہریوں نے پارکنگ ایریا بنا دیا ہے جہاں ہر وقت گاڑیاں کھڑی رہتی ہیں جس سے اسپتال کا تقدس اور مریضوں کو درپیش سہولتیں متاثر ہو رہی ہیں۔ برآمدے کے نیچے گاڑی کی کھڑی ہونا ایسی دکھائی دیتی ہیں جیسے کوئی گیراج ہو۔

مقامی شہریوں نے اس صورتحال پر شدید تشویش کا اظہار کرتے ہوئے ڈپٹی کمشنر گوادر، اسسٹنٹ کمشنر گوادر اور دیگر اعلیٰ حکام سے مطالبہ کیا ہے کہ فوری طور پر نوٹس لے کر اسپتال کی حدود میں اس غیر مناسب پارکنگ پر پابندی عائد کی جائے تاکہ مریضوں اور تیمارداروں کو درپیش مسائل کا ازالہ کیا جا سکے ۔