- Advertisement -

- Advertisement -

- Advertisement -

- Advertisement -

مکی مسجد تا ملا فاضل چوک گوادر روڑ کی تعمیر کے لئے ضلعی انتظامیہ کا تجاوزات کے خلاف آپریشن۔ متاثرین کا شدید احتجاج

51

گوادر (گوادر سٹی نیوز ڈیسک) مکی مسجد تا ملا فاضل چوک گوادر روڑ کی تعمیر کے لئے ضلعی انتظامیہ کا تجاوزات کے خلاف آپریشن۔ متاثرین کا شدید احتجاج۔ پیشگی اطلاع دیئے بغیر آپریشن نا انصافی اور جائیداد سے جبری بے دخلی کے مترادف ہے۔ متاثرین کا ملا فاضل چوک پر دھرنا۔ سیاسی جماعتوں نے اظہار یکجہتی کیا۔ تفصیلات کے مطابق گزشتہ شب ضلعی انتظامیہ کے افسران نے مکی مسجد تا ملا فاضل چوک روڑ کی تعمیر کے لئے رات گئے ملا فاضل چوک کے مقام پر بھاری مشنری کے ساتھ تجاوزات ہٹانے کے لئے آپریشن کا آغاز کیا، تجاوزات کے خلاف آپریشن شروع ہونے کے بعد متاثرین اور عوام کی بڑی تعداد جائے وقوعہ پر پہنچ گئے جنہوں نے اچانک آپریشن شروع کرنے پر احتجاج کیا جبکہ اس موقع پر وائس چیئرمین میونسپل کمیٹی گوادر ماجد جوہر بھی موقع پر پہنچے جنہوں نے ضلعی انتظامیہ کے افسران سے مذاکرات کئے تو افسران نے مزید آپریشن نہ کرنے کی یقین دہانی کرائی لیکن پھر رات کی تاریکی میں دوبارہ آپریشن کا آغاز کیا گیا آپریشن کے دوران متعدد دکانوں کو مسمار کیا گیا جس میں متاثرین کے لاکھوں روپے کے سامنے بھی پڑے ہوئے تھے۔ تاہم صبح متاثرین نے تجاوزات کے گئے آپریشن کے خلاف احتجاج کرتے ہوئے ملا فاضل چوک پر احتجاجی دھرنا دیا جبکہ شہر میں جزوی طورپر شٹر ڈاؤن ہڑتال بھی کی گئی۔ دھرنے میں چیئرمین میونسپل کمیٹی گوادر شریف میانداد، آل پارٹیز اور حق دوتحریک کے رہنماؤں نے شرکت کرکے متاثرین سے یکجہتی کا اظہار کیا۔ دھرنا شام تک جاری رہا۔ تاہم اس موقع پر متاثرین سمیت آل پارٹیز اور حق دوتحریک کے رہنماؤں، چیرمین اور وائس چیئرمین میونسپل کمیٹی گوادر پر مشتمل کمیٹی نے ڈپٹی کمشنر کے افس جاکر ڈپٹی کمشنر سے ملاقات کی اور اپنے خدشات کا اظہار کیا۔ کمیٹی ذرائع کے مطابق ملاقات میں ڈپٹی کمشنر گْوادر نے تجاوزات ہٹانے کے خلاف مزید آپریشن نہ کرنے کی یقین دہانی کراتے ہوئے کہا ہے کہ جن متاثرین کے دکانوں کی ڈیکو ریشن اور سامان کو مالی نقصان پہنچا ہے نقصان کا سروے کرکے ان کی زر تلافی کی جائے گی۔ تاہم متاثرین نے ضلعی انتظامیہ کی تجاوزات کے نام پر آپریشن پر تشویش کا اظہار کرتے ہوئے کہا ہے کہ سڑک کی تعمیر کے لئے جس قسم کے معاوضہ کا تعین کیا گیا ہے وہ مارکیٹ ویلیو کے مطابق نہیں مگر جس انداز سے تجاوزات کے نام پر آپریشن کیا گیا ہے وہ انہیں جائیداد سے جبری دخلی اور ان کے ساتھ ناانصافی کے مترادف ہے۔ ضلعی انتظامیہ نے جوائنٹ ایکشن کمیٹی کے راہنماؤں یقین دہانی کرائی کہ روڈ کا سائز یہی ہے اس کو مزید وسعت نہیں دی جائے گی اور نہ کہ کسی دوسرے پراپرٹی مالکان کی دکان کو نقصان پہنچایا جائے گا اور یہ بھی کہا کہ آئندہ جوائنٹ ایکشن کمیٹی اعتماد میں لائے بغیر کوئی کارروائی نہیں کی جائے گی ۔ ضلعی انتظامیہ نے کمیٹی سے کہا کہ متاثرین اپنے کمپنسیشن معاوضہ جات بڑھانے کے لیے عدالت میں مقدمہ دائر کریں عدلیہ جو کمپنسیشن فکس کرےگی وہ ادائیگی کے لیے تیار ہوں گے ۔

- Advertisement -

- Advertisement -

جواب چھوڑیں

آپ کا ای میل ایڈریس شائع نہیں کیا جائے گا.

بریکنگ نیوز
فارم 47 کے لوگ حکومتی کرسی پر بیٹھ کر بلوچ اور بلوچستان کی استحصالی نظام کو برقرار رکھے ہوئے ہیں ۔زا... کوئٹہ سریاب روڈ پر بلوچ یکجہتی کے پُرامن احتجاجی مظاہرین پر پولیس کی غنڈہ گردی کی شدید مذمت کرتا ہوں... 20 دن کے دورانیہ میں ہیٹ اسٹروک اور ہارٹ اٹیک کے باعث 10 افراد جان بحق اسسٹنٹ کمشنر گوادر میر جواد زہری کے زیر صدارت نرخ بندی برائے اشیاء خوردونوش کے بابت اجلاس منعقد کلمت میں نئے کھمبے نصب کرکے بجلی جلد بحال کی جائے گی،ایس ڈی او کیسکو کا وائس چئیرمین کلمت بودل تہمیز... یونیسیف کی تعاون سے محکمہ تعلیم گوادر اور تعلیم سپورٹ پروگرام گوادر کے زیر نگرانی عبدالصمد بازار ن... اگر گوادر میں بجلی کا مسئلہ حل نہیں ہوا تو میں خود گریڈ اسٹیشن میں بیٹھ کر دیکھوں گا۔ ایم پی اے گواد... گوگل رجانک ءُ لہتیں آئی ٹی ءِ گپ .ہیبتان عمر پسنی سے لاپتہ طالب علم بہادر بشیر کے لواحقین اور انتظامیہ کے درمیان مزاکرات کا ڈیڈلائن ختم زیرو پوائ... پسنی کے رہائشی کراچی یونیورسٹی کے طالب علم بہادر بشیر کے اغوا کے خلاف فیملی نے کل پسنی زیروپوائنٹ کو... تربت میں کلگ کے قریب ایم ایٹ پر گاڑی الٹنے سے دو بچے جاں بحق 6 زخمی گزشتہ سات دنوں سے پسنی کے پرانے واٹر بکس کو بجلی سپلائی کرنے والی ٹرانسفارمر میں خرابی، پانی کی سپلا... ایم پی اے گوادر مولانا ہدایت الرحمان بلوچ کی وزیر خزانہ و سیکریٹری خزانہ سے ملاقات آکرہ کور ڈیم سے جیوانی پائپلائن کی جوائنٹنگ کا کام شروع کر دی گئی ہے۔ مومن علی بلوچ نے ایکسئین پبلک ہیلتھ گوادر کے چارج سھنبال لیا.