گوادر ،سمندر کے راستے منشیات سمگلنگ کی کوشش ناکام،60کلوآئس برآمد

گوادر ( اسٹاف رپورٹر )سمندر کے راستے منشیات سمگلنگ کی کوشش ناکام،60کلوآئس برآمد
اطلاع کے مطابق اینٹی نارکوٹکس فورس نے سمندر کے راستے منشیات سمگلنگ کی کوشش ناکام بنادی ہے.ترجمان اے این ایف کے مطابق مکران کوسٹل ایریا کے قریب خفیہ اطلاع پر کاروائی کرتے ہوئے منشیات کی بڑی کھیپ قبضے میں لے لی گئی ہے۔ترجمان نے کہاکہ اینٹی نارکوٹکس فورس نے گھنٹوں خفیہ نگرانی کے بعد خلیج عمان جانے والی سپیڈ بوٹ کا پیچھا کیا، جیونی کے قریب گہرے سمندر میں کامیاب آپریشن کے ذریعے60کلوآئس برآمد کرلی گئی۔

ترجمان اے این ایف کے مطابق برآمد شدہ آئس مختلف پیکٹس اور ڈبوں میں مہارت سے چھپائی گئی تھی، گہرے سمندرکا فائدہ اٹھاتے ہوئے ملزمان فرار ہوگئے جن کی تلاش کے لئے آپریشن جاری ہے۔ترجمان کے مطابق ملزمان کےخلاف انسدادِ منشیات ایکٹ کے تحت مقدمہ درج کرلیا گیا۔