گوادر کربلا بن گیا، شدید گرمی میں شہری بوند بوند کو ترس گئے۔نیشنل پارٹی کے راہنما اور سابق تحصیل ناظم عابد رحیم سہرابی ن

گوادر(گوادر سٹی نیوز ڈیسک) گوادر کربلا بن گیا، شدید گرمی میں شہری بوند بوند کو ترس گئے، خواتین اور بچے حصول پانی کی تلاش میں در در کی ٹھوکریں کھانے پر مجبور ہیں، محکمہ پبلک ہیلتھ ہوش کا ناخن لیں شہریوں کو تنگ کرنا بندہ کردیں اور شدید احتجاج کیا جائے گا۔ان خیالات کا اظہار نیشنل پارٹی کے راہنما اور سابق تحصیل ناظم عابد رحیم سہرابی نے اپنے ایک اخباری بیان میں کیا ہے۔انھوں نے کہاکہ گوادر میں گرمی کی شدت میں اضافہ ہونے کے ساتھ محکمہ پبلک ہیلتھ نے شہریوں کو پریشاں کرنا شروع کر دیا۔ سہرابی وارڈ سمیت گوادر کے مختلف علاقوں میں پانی کی شدید قلت اور بحران پیدا ہوگئی ہے جس سے ان علاقوں کے مکین پانی کی بوند بوند کو ترس گئے ہیں۔ انھوں نے کہاکہ پانی کی نایابی سے خواتین اور بچے حصول پانی کے لئے در در کی ٹھوکریں کھانے پر مجبور ہیں۔ لیکن اس کے باوجود محکمہ پبلک ہیلتھ اور شہری حکومت کو شہریوں کی پریشانیوں کا کوئی احساس نہیں۔ انھوں نے کہاکہ اگر محکمہ پبلک ہیلتھ اور شہری حکومت نے سہرابی وارڈ اور قرب و جوار میں پینے کے پانی کا بحران حل نہیں کیا اور پانی کی سپلائی بحال نہیں کی تو شدید احتجاج کیا جائے گا۔