پاکستان مسلم لیگ ( ن ) ضلع گوادر کے صدر میر ابراھیم دشتی اور ضلعی جنرل سکریٹری پرویز جمیل نے اپنے دیگرساتھیوں کے ھمراہ گوادر پریس کلب گوادر میں پریس کانفرنس

گوادر ( گوادر سٹی نیوز ڈیسک) پاکستان مسلم لیگ ( ن ) ضلع گوادر کے صدر میر ابراھیم دشتی اور ضلعی جنرل سکریٹری پرویز جمیل نے اپنے دیگرساتھیوں کے ھمراہ گوادر پریس کلب گوادر میں پریس کانفرنس کرتے ھوۓ کہا کہ بلوچستان سے قد آور شخصیات جام کمال خان ۔ میر شعیب نوشیروانی ۔ سردار عبدالرحمان کھیتران ۔ نواب لشکری رئیسانی کی پاکستان مسلم لیگ میں شمولیت پر انکو مبارک باد پیش کرتے ہیں ۔ ان موصوفان کا پاکستان مسلم لیگ میں شمولیت کرنے پر پاکستان مسلم لیگ بلوچستان بھر میں مزید فعال ومستحکم ھوگا – انھوں نے کہاکہ پاکستان مسلم لیگ ن کے قائد میاں محمد نواز شریف کا کوئٹہ کا دورہ انتہائی کامیاب دورہ رہا ہے جسمیں بلوچستان سے متعدد قدآور شخصیات نے شمولیت اختیار کرلی ہے اور مزید بھت سے اہم شخصیات پارٹی میں شمولیت پر غور کررہے ہیں ۔ انھوں نے کھاکہ مختلف لوگوں کی مسلم لیگ ن میں جوق در جوق شمولیت سے یہ بات واضح طور پر عیاں ہے کہ آنے والا دور پاکستان مسلم لیگ کا ھوگا اور انشاءاللہ بلوچستان میں بھی پی ایم ایل ( ن ) کا حکومت ھوگا کیونکہ میاں محمد نواز شریف کی قیادت میں ہی پاکستان ترقی کی جانب گامزن ھوگا کیونکہ میاں محمد نواز شریف ایک ویژنری لیڈر ہے اس کے پاس ملک کے لیۓ ؤیژن ہے اور انشاء اللہ پاکستان مسلم لیگ کی حکومت آتے ہی ملک دوبارہ خوشحالی اور ترقی کی جانب گامزن ھوگا ۔ لوگوں کے اندر مایوسی اور بے چینی ختم ھوجاۓ گی ۔ انھوں نے کہاکہ پاکستان مسلم لیگ ورکروں کی جماعت ہے ورکر ہی پارٹی کے اثاثے ہیں اور ھم ورکر کی حیثیت سے اپنے قائد میاں محمد نواز شریف کے ھاتھ مضبوط کرینگے اور پاکستان کا آنے والا وزیراعظم میاں محمد نواز شریف ہی ھوگا ۔